|
 |
"Frumkvöðlastarf kvenna á Norðurlöndunum"
Allt of fáar konur, miðað við karlmenn, stofna sín eigin fyrirtæki á Norðurlöndunum. Sem liður í að snúa þessu við, hafa fimm skrifstofur Enterprise Europe Network, í Danmörku, Íslandi og Noregi hafið samstarf. Þessir aðilar munu vinna saman að því að vekja athygli á frumkvöðlastarfsemi kvenna á Norðurlöndunum.
Við upphaf verkefnisins “Female Entrepreneurship in the Nordic Regions” (FEN) voru valdir fyrirmyndarkvenfrumkvöðlar í hverju landi fyrir sig, Ambassadorar, sem hafa það hlutverk að vera fyrirmyndir kvenna í fyrirtækjarekstri og um leið hvatning - til annarra kvenna að stofna eigin fyrirtæki.
Verkefnið er styrkt af Evrópusambandinu og ber heitið: EU Network of Female Entrepreneurship Ambassadors. Megin markhópar þess eru:
- Konur í upplýsingatækni
- Háskólamenntaðar konur
- Konur sem vinna í “karllægu” umhverfi
- Konur sem ætla út í rekstur
Ekki er ætlast til að konurnar hafi einhvern sératakan bakgrunn eða séu með sérstaka menntun, umfram allt er leitast eftir að fanga frumkvöðlaandann og virkja þann kraft sem býr í konum – og hvetja þær til að fara út í eigin rekstur.
Verkefnið tekur tvö ár og á þeim tíma mun Enterprise Europe Network á Evrópumiðstöð Impru halda fundi og vera með fyrirlestra í samvinnu við hina íslensku ambassadora. Með því vonumst við til þess að hvetja konur á öllum aldri að gerast sínir eigin herrar.
Norræn samvinna
“Female Entreprenurship in Nordic Regions” er samvinnuverkefni milli fimm aðila/stofnana í Danmörku, Íslandi og Noregi. Með þessari samvinnu nær verkefnið yfir breitt svæði landfræðilega og veitir þar af leiðandi tækifæri á að ná til verulegra fjölda kvenna.
Danmörk
|
 |
|
 Næstved-Egnens Udviklingsselskab
Næstved-Egnens Udviklingsselskab var stofnað 1988 og hefur það að meginmarkmiði að styðja við viðskiptaþróun iðnaðarfyrirtækja á suðvestur Sjálandi. Frá stofnun þess hefur stofnunin aðstoðað þúsundir lítilla og meðalstórra fyrirtækja sem og stutt við bakið á frumkvöðlum í þeirra fyrstu skerfum fyrirtækjarekstrar.
|
| |
 |
|
Agro Business Park
Agro Business Park er vísindagarður, sem leggur áherslu á “þekkingar frumkvöðlastarfsemi” og nýsköpun innan landbúnaðar, matvæla, líftækni og umhverfis. Einnig er starfrækt þar frumkvöðlasetur. Starfsemi vísindagarðsins nær yfir alla Danmörku og veitir stuðning bæði svæðisbundið og á landsvísu. Á Agro Business Park er starfandi fjárfestingafyrirtæki, sem fjárfestir í álitlegum hugmyndum sprotafyrirtækja á byrjunarreit.
|
| |
Ísland
|
 |
|
Innovation Centre Iceland – IS Reykjavik TII
Hlutverk Nýsköpunarmiðstöðvar Íslands er að hvetja til nýsköpunar og efla framgang nýrra hugmynda í íslensku atvinnulífi. Nýsköpun er forsenda fyrir fjölbreytni íslensks atvinnulífs og undirstaða sterkrar samkeppnisstöðu þess.Nýsköpunarmiðstöð Íslands heyrir undir Iðnaðarráðuneytið og starfar eftir lögum um opinberan stuðning við tæknirannsóknir, nýsköpun og atvinnuþróun.
|
| |
Noregur
|
 |
|
Innovasjon Norge
Innovasjon Norge hefur að markmiði að stuðla að þróun atvinnulífs í héruðum Noregs, auka nýsköpunarhæfni landsins, kynna viðskiptamöguleika í Noregi sem og að kynna landið sem ferðamannastað. Frá árinu 1999 hefur Innovasjon Norge beint sjónum að frumkvöðlastarfsemi kvenna í gegn um verkefnið ”Konur í fókus”. Því verkefni er ætlað að hvetja konur til að stofna sín eigin fyrirtæki, gefa kost á sér sem stjórnarmenn í fyrirtækjum sem og að sækjast eftir stjórnunarstöðum.
|
| |
 |
|
SINTEF Technology and Society
SINTEF er stærsta sjálfseignar rannsóknarstofnun í Skandinavíu og hefur að meginstarfsemi að stuðla almennt að sjálfbærni Noregs. Meginmarkmið er að skapa verðmæti, auka lífsgæði og stunda rannsóknar- og þróunarstarfsemi. Hjá SINTEF eru starfrækt frumkvöðlasetur fyrir nýstofnuð iðnaðarfyrirtæki.
|
|
